बिचरा स्वास्थ्यमन्त्री ! यती पनि थाहा रैनछ कि क्यान्सर पापले लाग्ने रोग होइन

आजको युग सुचना-प्राबिधिको युग । आज संसार हत्केलामा छ र क्षणभरमै संसार भरिको कुरा थाहा हुन्छ । अझ शिक्षाको बिकासले त स-साना कलीला बाल-बालिकाहरुलाई पनि थाहा छ कि क्यन्सर एक गम्भिर स्वास्थ्य समस्या हो जो बिबिध कारणले गर्दा हाम्रो सरिरमा लाग्ने गर्दछ । क्यान्सर लाग्नुको केवल एक कारण नभै बिबिध कारणले यो रोग लाग्ने गर्छ । हाम्रो सरिरमा कारीब ५० खर्ब जती स-साना कोशीकाहरु हुन्छन र तिनको नियन्त्रण गर्ने प्रणाली पनि छ जसलाई हामी डिएनए को नामले चिन्ने गर्दछौ । अस्वस्थकर खानपिन, धुमपान, मध्यपान, प्रदुसण, विकरण आदी जस्ता कारणले डिएनए मा खराबी आउँदा कोशीकाहरुको बृदि अनियन्त्रित हुन जान्छ र गिर्खाहरु बन्न थालदछ ।

यती साधारण कुरा पनि थाहा नहुने मान्छे कसरी भए स्वास्थ्यमन्त्री ? अहिले यसि बहस चलेको छ यहाँ । तर सौभाग्य भनौ, किनकी ति स्वास्थ्यमन्त्री भने हाम्रो देशका होइनन । उनी हुन छिमेकी देश भारत को आसाम राज्यका । त्यहाका स्वास्थ्यमन्त्रीले भनिदिए क्यान्सर हुनु भनेको इश्वारीय न्याय हो जुन पुरानो पापका कारणले लाग्ने गर्दछ । यती हिम्मत गर्ने त्यहका स्वास्थ्य मन्त्रिको नाम के होला भन्ने जिग्यासा भए उनको नाम हिमन्त विश्व शर्मा रहेछ ।

उनले अझै अगाडि थपिदिए कि क्यान्सर आफुले बिगतमा गरेको पापले मात्र नभै बाबु-आमाले गरेको पापले पनि लाग्दछ । मन्त्री जिउलाई माइक भए पछी बोल्न कसले पो भेट्याउछ र । बोलिदियो भोली अरुले मेरो कुरो बङाए भने पुग्दछ ।

त्याहा पनि त्यस्तै भयो । उनले यस्तो भनेपछी जागरुक मान्छे त त्यसको बिरोध गर्नेनै भए । र गर्नु पनि पर्दछ अझ क्यान्सरका बिरामी र परिवार लाई त हुनु चिन्ता भयो । चौतर्फी बिरोध आएपछी बिपक्षी पनि के कम ? त्यसै त के निउ पाउ भनेर बसेका हुन्छन अझ यस्तो गरम मसाला पाए पछी त ! भन्न थाले क्यान्सरको रोकथाम गर्न नसकेर बिचरा मन्त्रिले इश्वरलाई दोश लगाउन थाले ।

क्यान्सरका बिरामी, परिवार र शुभचिन्तक तथा बुद्दिजिविले भनी मन्त्रि जिउलाई सार्वजनिक रुपमा माफि माग्न राम्रो सल्लाह दिएका छन तर मन्त्री पनि के कम उनले आफ्नो अभिब्यक्तिको गलत व्याख्या गरिएको भनेर पानी माथिको ओभानो बन्ने कोशीस मा छन । मन्त्री शर्माले बुधबार गुवाहटीमा आयोजित एक सार्वजनिक कार्यक्रममा यस्तो अभिव्यक्ति दिएको टाइम्स अफ् इन्डियालाई उद्धृत गर्दै बीबीसीले जनाएको छ ।

हेर्नुहोस् त यो रोग | तपाईंहरुलाई त थाहै छ हाम्रो देशमा सामान देखी धेरै कुरा भारत बाट भित्रिन्छ । क्यान्सर पापको कारणले लाग्दछ भन्ने बानी चाँही उताबाट नाअोस !