काठमाडौं, मंसिर १ – ‘छक्का पञ्जा २’ले बिहीबार प्रदर्शनको ५१ दिन मनाएको छ । असोज ११ गते फूलपातीको अवसर पारेर प्रदर्शनमा आएको यो सिनेमाले कात्तिक ३० गते प्रदर्शनको ५१ दिनपार गरेको हो ।
सिनेमा प्रदर्शन भएको ५१ दिनको अवसरमा काठमाडौंको सिटी सेन्टरमा विशेष कार्यक्रमको आयोजना गरिएको थियो । हामीले सिनेमाका निर्माता तथा कलाकार केदार घिमिरेसँग सिनेमाको कथा लेखनको समयलाई सम्झने प्रयास गरेका छौं ।
‘छक्का पन्जा २’ले ५१ औं दिन मनायो, ‘छक्का पञ्जा २’ कसरी बनेको थियो सम्झिनुस त ?
खास हाम्रो विकास आचार्य दाइले आफैले बनाउन लागेको सिनेमा ‘निरान्जना’ थियो । यो निर र अन्जना भन्ने दुईजना पात्रको कथा हो । त्यसपछि उहाँले यो कथामा अलिकति सहयोग गरिदिनु न भनेर दीपक दाइलाई दिनुभएको रहेछ । दीपक दाइले अलि–अलि थप्दै जाने क्रममा कथामा कमेडी थप्दै जानुभएछ । कमेडी थप्दै जाँदा यो ‘छक्का पन्जा २’ बनाउन त भन्ने भएछ । अनि टिममा प्रस्ताव आयो । यो कथामा ‘छक्का पन्जा २’ बनाउने भइयो । त्यसमा अलिकति तोडमोड गरेर कमेडी थप्नुपर्यो र सम्वाद लेख्नुपर्यो भन्ने कुरा आयो ।
त्यतिबेला हामी तत्काल सिनेमान बनाउने मनस्थितीमा बसेका थियौं । त्यसकारण ल ! यो स्क्रिप्टलाई नै फाइनल गरौं न त भन्ने भयो । पछि सम्वाद लेख्न धुलिखेलमा म, दीपक दाइ, जितु दाइ र अभिमन्यू निरवी बस्यौँ ।
धुलिखेलमा बसेर कथा सुन्दा हाँस्ने ठाँउ त कही भेटिएन । होटल पनि त्यस्तै थियो । बसको हर्न सुनिरहने । आवाज आइरहने । त्यसले गर्दा मन पनि भिर रहन सकेन । कथा पनि दिकदार लाग्दो । त्यहाँको वातावरणले गर्दा हामीबीचमा रातैभरी झगडा पर्यो । यस्तो सिनेमा लिएर अब हाम्रो अलि–अलि भएको नामपनि माटोमा मिल्ने भयो । यस्तो सिनेमा बनाएर कसरी उँभो लागिन्छ भनेर हामीबीच झगडा पर्यो । त्यहाँ बस्दा झगडा मात्र भयो र सुतियो । पछि त्यो होटल लोद्धर रहेछ भन्ने लागेर बिहान उठ्ने बित्तिकै त्यहाँबाट हिँडियो (लामो हासोँ) । यो होटेलको वास्तु मिलेको रैनछ भनेर त्यहाँबाट गोर्कण रिसोर्टमा पुग्यौं । बाँकी तीन दिन गोर्कण रिसोर्टमा गएर गर्दा यतिसम्म भयो ।
सम्वाद लेख्दै जादाँ धेरै रमाइलो कुन सम्वाद लेख्दाभएको थियो ?
रमाइलो धेरै नै हुन्छ । प्राय सम्वादहरु फुराउँदा दर्शक हाँसे भन्दा बढी त हामी नै हाँस्छौ पहिले । हरेक कुरा फुर्दा हाँस्छौ तर कुरा के भने कुनै बेला एक जनाले फुराएको कुराले अर्कोलाई हाँसो उठ्दैन । तर, पछि त्यसमै दर्शक हाँस्नुहुन्छ ।
कथा लेख्दै जादाँ दीपकजीलाई दीपाजीको फोन प्रतिबन्ध, कफीखान, खुट्टा तन्काउनदेखि सबै कुराको सेड्युल पनि थियो रे । त्यसको बारेमा के भन्नुहुन्छ ?
स्क्रिप्टमा काम गर्दा हाम्रो फोन उठाउन न पाउने नियम हुन्छ । बेला बेलामा चाहिँ एउटा मात्र है ! यो चाहिँ लास्ट है ! कामको आयो भनेर उठाउने (लामो हासोँ)। तपाइहरु चाहिँ उठाउने म नउठाउने भन्यो फेरि एकछिन पछि अर्कोले पनि उठाउने । त्यस्तो पनि हुन्छ । अनि स्क्रिप्ट लेखिसके पछि हाम्रो कफीखाने समय हुन्छ । कफीखाने प्रसंगमा एउटा रमाइलो पल छ । जितु दाइले जैले पनि बिहान हामी नउठ्दै कफी बनाएर बेडमै ल्याउनु हुन्थ्यो । एक दिन भने बिहान व्यायाम गरिसकेपछि बेलुका खाएर रहेको ब्ल्याक लेवल कफीमा हाल्नु भएछ । खाँदा टर्रो–टर्रो भयो । लास्टमा के हो यो ? भन्दा त ब्ल्याक लेवल पो रैछ (लामो हाँसो) ।
स्क्रिप्टको सम्वादहरु कति दिन लगाएर लेख्नुभयो ?
स्क्रिप्ट हामीले पाँचदिनमा तयार पारेको हौं ।
सम्वाद लेखेको स्टाइलमा कति प्रतिशत सिनेमा बनेको छ ? कति प्रतिशत काँटछाँट भयो ?
यसमा धेरै काटछाँट भयो । फिल्म त उल्टो पाल्टो अगाडिको सिन पछाडि । कति ठाँउमा तकथा लेख्ने मान्छे समेत छक्क परेका थिए सिनेमा हेरेर । कथा त कता हो कता । (हासोँ) दीपकराज गिरीले फेसबुकमा स्विकार पनि गर्नुभएको छ । हामीले पहिला सोंचेको जस्तो बनाउन सकेनौँ भनेर । के पहिला सोंचेको जस्तो भन्दा कथा अर्को आएको हो र ?
धेरै कुराहरु पछि रि–शुट भए । पटकथामा जे थियो त्यसलाई सच्याउँदै गइयो । डरले पनि हो । ‘छक्का पन्जा’त्यस्तो राम्रो थियो । ‘छक्का पन्जा २’मा यस्तो बिग्रिने हो कि ? भन्ने डरले गर्दा सच्याउँदा सच्याउँदै सिनेमा नै अर्कै बन्न गयो ।
‘छक्का पन्जा ३’चाहिँ कस्तो बन्ला ?
यसको अहिलेसम्म कथा नै फाइनल भएको छैन । कथा हामी छान्ने तयारीमा छाै ।
अब‘छक्का पन्जा ३’को लागि कुन होटेलमा जानुहुन्छ स्क्रिप्ट लेख्न ?
(लामो हाँसो) झगडा नहुने खालको होटल खोज्नुपर्छ एउटा । बास्तुमिलेको ।
‘छक्का पञ्जा २’ ले ५१ औं दिन मनाएको छ । दर्शकहरुलाई के भन्न चाहानुहुन्छ त ?
दर्शकहरुले जुनमाया देखाइदिनुभएको छ । हामीले सिनेमा बनाउन धेरै जानेको पनि छैनौं । यो बल्ल हाम्रो चौथो सिनेमा हो । यहाँसम्म आउँदा जति माया दिनुभएको छ । यो हामीलाई धेरै नै दिनुभएको छ । तपाईहरुले दिनुभएको मायाको एक–एकहिसाब राखेर हामी अझै मेहनत गर्दै अगाडि बढिरहने छौं ।
उज्यालो बाट सभार
Comments
Post a Comment